Haserrea Pirinioan, Patxi Izko Orreagako Priorearen irteera dela eta.
Berriak
Patricia Carballoren erreportajea, Diario de Noticias.
Orreagako Kolegiatak Bibiano Esparza Tres Orreagako Priore berri moduan izendatu izanaren berria, Pirinioko biztanleen artean ez da begi onez hartu. Ez honen berehalako izendapenarengatik, baizik eta egungo priore den Patxi Izko Barberiak Kolegiata utzi behar izanagatik, Iruñeako Artzpezpikutzaren erabakiz, ain zuzen ere Altsasuko parrokiara bidaltzea erabaki baitu, euskarazko postu bat betetzeko beharra dagoela argudiatuz.
Azken asteetan, herritarren artean firma biltzeko ekimena jarri da abian, Erroibar, Artzibar, Orreaga, Garralda, Luzaide, Patxi Izko hamarkada batez apaiz izan den 31 parrokietan, guztira 1.050 lagunen babesa lortuz. “Gutxietsiak sentitzen gara, ez digute kasurik egin eta gainera ez dugu ulertzen zergatik bota nahi duten hemendik”, bat zetozen atzo hainbat biztanle, priorearen etorkizuna gutxietsi gabe.
Erabakiaren aurkako erabateko gaitzespena adierazi zuten “Patxi Izkok Orreagan egindako kudeaketa onak, leku hau estrategiko bezala ezagutzera eman du eta lan bikaina egin du jendearen harreran” gainera “hurbiltasun handia erakutsi du bertako jendeari laguntzeko eta elkarlanean aritzeko”. Era berean, euskalduna izatea ere laudatu zuten.
Ekimen honi, Erroibar, Artzibar, Luzaide eta Orreagako udalen babesa ere gehitu zaie.
“Guztiei ongi erori zaien persona bat izan da, katolikoei zein ez katolikoei, lan handia egin du, batez ere gazteekin, eta asko egin du Pirinioarengatik. Guztion apaiza izan da”, esan zuen atzo Enrique Garralda, Erroibarreko alkateak.
(*) Artzibar eta Oroz-Beteluk Orreagara egindako erromerian hartutako argazkia, 2018.