Ibarreko hegoaldean jendea bizi zen azken herria zen. 585 metroko altueran dago, Gurpegi ibaiaren ibarrean; ibar horretan bost herri zeuden: Ekieta, Olorizgoiti, Olorizbeiti, Gurpegi eta Zazpe.
Gurpegi ibartxoaren beheko aldea Longidakoa da. Itoizko urtegia eraiki zenean errepide berria egin zuten eta herriko aurrien ondotik pasatzen da, baina ez dago aparkatzeko aukerarik eta badirudi bide zaharra desagertu dela.
Demografikoki, lau etxe zituen 1366an, zazpi 1646an eta bost 1819an; 1858an 56 biztanle zituen eta ordutik kopurua jaitsiz joan zen 1950eko hamarkadan desagertu zen arte.
Egun Nafarroako Gobernuarena da eta azkeneko urteetan zenbait etxe konpontzen ari dira.
