Euskara Zerbitzua

Artzibarko Euskara Zerbitzua lanean ari da euskararen ezagutza eta erabilera Ibarrean sustatzeko eta herritarren hizkuntza eskubideak bermatzeko. Zerbitzuak hainbat programa, jarduera eta baliabide sustatzen ditu euskarak leku handiagoa izan dezan gure udalerriko administrazioan, hezkuntzan, kulturan eta gizartean.

Euskara Zerbitzuaren eginkizunak

Euskara Zerbitzuaren eginkizunak hiru esparru nagusitan garatzen dira:

Euskararen arloan, gure toki entitatea Nafarroako legedira egokitzeko eginkizuna

Ordenantzak, protokoloak, etab. proposatzea eta haien jarraipena egitea, euskararen erabilerari eta sustapenari dagokienez.
Toki entitatearen egokitzapena herritarren hizkuntza eskubideak bermatzeko: langileak euskalduntzeko programak, etab.
Toponimia eta hizkuntza-paisaia.
Itzulpen zerbitzua.

Euskara toki entitatearen lurraldean sustatzea

Egoeraren azterketa.
Normalizazio planak prestatzea.
Euskararen ezagutza helduen eta haurren artean sustatzea.
Euskararen erabilera sustatzea, jarduerak eta zerbitzuak eskainiz; halaber, dirulaguntzen bidez edo beste entitate batzuekin lankidetzan.
Sustapen eta koordinazio lana egitea gure udalerrian edo inguruan, euskararen normalizazioaren alde diharduten elkarteekin eta entitateekin.

Euskarari lotutako gaietan aholkatzea entitate publikoei eta pribatuei

Euskararen erabilera zuzena komunikazio, kartel eta informazio-materialetan.
Testuen itzulpena eta zuzenketa.
Aholkularitza ematea toponimiaz eta esparru publikoen izendapenaz.
Euskara jarduera, zerbitzu eta proiektuetan txertatzeko orientabidea.
Informazioa eta laguntza euskararekin lotutako dirulaguntzen eskaeran.
Hizkuntzari eta arauei buruzko zalantzak argitzea.

Euskara Zerbitzuaren Jarduerak

Euskara Zerbitzuak hainbat ekimen bultzatzen ditu euskararen ezagutza eta erabilera gure Ibarrean sustatzeko; haietako aunitz elkarlanean beste euskara zerbitzu batzuekin.